TVS Sport sen 36,880 alang ka sayaogo

September 21, 2015: TVS Motor company-i parnoki yangluba TVS Sport tera melenshia yanglur India nung sayaogo. Iba cycle yagi totzü tajemba atsüktsü aser nüngdakba tasen kar enokja lir, ta sangdong ka ajanga ashi.
TVS-i, TVS Sport yagi totzü litre ka agi kilometre 95 jajateter, ta ashir. Iba den külemi 2015 TVS Sport nung electric start, aluminum grab rail aser chrome muffler guard keta lir.
“Tanü asüng nüburtemi tereprangtsü ajungba, jangratemtsü aliba, tasen aser quality tajung aginer. Anungji onoki nangzüka aliba ama customer tem pelatsüsa onoki iba bike yangluogo,” ta TVS Motor Company Tir aser CEO K N Radhakrishnan-i metetdaktsüogo.
TVS Sport nung DuraLife engine keta lir koba ajanga totzü atsükba azüoker.
Iba bike ya sentsü pongu – temerem, tanak, anüng sentsü, aut sentsü aser rapurasa sentsü nung angutsü. Ex-showroom, Delhi nung iba bike jenjang tetenzükji sen 36,880 alitsü.