Twitter handle ka anema tashishiba benok

Dimapur, Tsüklai/February 6 (TYO): BJP party Nagaland unit-i, Crime Branch i/c Dy Sp dang BJP tenüng amer Tweeter amshir ka bushitsütsü asoshi tashishiba ka benokogo. Iba nisungba yagi Nagaland nung yimden yimsüsüba tsütsü mepetmesü adokdaktsütsü nükjidong yur post balala asüba den BJP Nagaland tenüng menüktsür, ta BJP state tir PRO Samuel Sumi-i metetdaktsü.
Nüburtem tejangraba ataloktsütsü asoshi kanga meranga inyakba mapang ka nung iba amala inyakyim ajanga tetsükdaktsü bener arutsür, anungji iba Twetter handle account indang osang tejangja agia tekaratiba nung tapet jenjang agitsü mepeshir, ta paisa metetdaktsü.