Twitter-i Russia den sendaktepba accounts 201 agütsüogo

Washington, October 14 (Agencies): Yaküm US Tir Election mapang timtem agütsütsü merangba, Russia den sendaktepa alir account indang profile tenüng 201 tashi Twitter-i US Senate nem agütsüogo.
Parnoki item tenüngtemji tan hopta agütsü, ta Hokolbarnü US osangtem ajanga ashi.
Russia-i tim mesüi inyakba bushisüngdang mapa nung yaritsü asoshi social networking service-i iba mapa ya inyak.
Item osang ya tamalen magütsüi liasü, kechiba süra iba ya legal privacy tebilemtsü ka liasü, ta osang ajanga ashi.
Technology tetsüti yagi Congress-i anir bushisüngdangba nung temulung magütsür ta ashiba sülen nungi item osangtem agütsütsü tenzük.
Bushisüngdang mapa asoshi nüngdakba tweets aser tanga data tem delete asüba asoshi 2016 election mapang Moscow nung social media service ajanga tai inyakertem, ta temulung melemi aliba nisungtemi tweet asüba aser nüngdakba data tem delete asüba atema Twitter aija liasü.
Senate-i Facebook aser Google den külemi Twitter-a November 1, 2017 nü o angadangteptsü asoshi jaoka lir.