Twitter nung Abhishek sülen anidaker million 8 jungogo

December 11, 2015: Twitter nung followers million 8 akümba sülen Abhishek Bachchan-i pa sapur aser tembartem den pelaba lemsatepogo aser pai Chennai nung tzümetsüng agi timtemertem den teka amteper yariteptsü ajungshi.

Megastar Amitabh Bachchan’er jabasoi, asenoki tila ka dang inyakba ajanga tajangzük tulu agütsür, ta ashi.

Asenok ajak lungjemer aseni akokba agi Chennai nüburtem den yariteptsü merangdi, ta pai Hokolbarnü twitter ajanga lemsatep.

Tamil Nadu tesem aika nung tesüiba hopta tzünglu kanga sashia aluba ajanga timtem tulu agütsü. Tangbo tzünglu aluba anenogo aser tzü atsünga aliba rosepa odar ajisüaka nüburtem aika kanga timtemtepdar.

Abhishek Bachchan ya Indian Super League (ISL) nung asayar Chennai team kibur rongnung ka lir. Tzünglu aruba mapang pa Chennai nung liasü aser tayimtsü mejajaba ajanga Mumbai tashi bus gari ka nung atu.