Twitter nung Anupam Kher ‘followers’ million 6 kümogo

January 8, 2016: Micro-blogging site Twitter nung Bolloywood actor mongin, Anupam Kher sülen anidaker nisung million 6 kümogo.
Aishi küm 60 tain Kher ya Salman Khan-i tongti shilem agiba “Prem Ratan Dhan Payo” film nung tesüsa shilem agia lir aser pai twitter nung pa sülen anidakertem den pelaba lemsatepogo.
“Twitter nung kü tembartem, ni sapurtem, shisa agütsürtem aser tanidakertem ajak agi nisung million 6 ajungba atema ni kanga pelar aser nenok ajak den kü tepela lemsateper. Ni nenok ajak meimer,” ta pai twitter nung lemsatepogo.
National-award angusang, Kher-i film tasen sayatsü aser tanga osang tasentem twitter nung teti lemsateper.
Pai Bollywood nung shilem agiba dang masü saka TV sentongtem – “The Anupam Kher Show – Kucch Bhi Ho Sakta Hai”, “24” aser “Sawaal Dus Crore Ka” nunga kanga takok ngua shilem agia lir.