Twitter nung video talang post sütettsü

New Delhi, June 22 (Agencies) : Nisungtem mesütsü nükjidong nung micro-blogging website Twitter-i video talang amshitsü temelaba agütsüogo.
Twitter amshirtemi tang nungi second 140 talang video tem post sütettsü. Taoba mapang second 30 aliba nungi second 140 kümtsüogo.
Iba osang ya Twitter amshirtemi pelashishia agizükogo aser iba ajanga tamshirtemi sen talila aazüktettsü. Tanü-asüng alima nung video tem kanga sapua amshiteper aser talisa Twitter den tokteper Facebook nung online videos kanga bulua amshir.
San Francisco company-isa Twitter Engage ta ser app tasen ka tenzükogo aser iba ajanga sapurtem den sensaksemtsü akok.
Twitter Inc nung tang monthly active users 310 million shi lir aser ibaji Facebook amshir 1.65 billion dang nungi kanga agi tajemba lir. Online network LinkedIn amshir 433 million lir saka member aikati ita shiabo iba network mamshir.