Typhoon Nida agi Hong Kong nung kongshi

Hong Kong, August 2 (Agencies) : 1983 küm nungi tang tashi nung Typhoon tesashitiba Typhoon Nida-i Hong Kong kübok aliba tzüküm nung mejungi kongshiba ajanga tzü metsüng arutsü tsübuba agi yangji aliba nüburtemi dang tzü nung shinga mejajatsü tetuyuba agütsüogo, ta Hombarnü osangbenertemi metetdaktsü.
China  anülolentip tsütsü aliba Guangdong province nüburtem dang chiyungtsü aser nüngdakba oset peria rizünga ayutsü osang agütsüogo, ta BBC osang ajanga metetdaktsü.
Typhoon Nida ya 1983 küm Philippines süia ao aser iba mapaji iba yipru ya ajak dang tesashitiba liasü.
Tan iba yipru agi kongshiba ajanga train, rong aser tayimtsü jajaba anen aser iba jagi aienlen jajartem kanga timtemteper.
Hong Kong telungtet nung aliba onkentem, apu aser totzü adokba tesem nung mapa inyakertem ajak iba tesem nungi anienogo.