Tzü mongui timtemba tesem nung Section 144 benok

Latur, March 20 (Agencies) : Maharashtra kübok tzünglu marui timtemba Latur district nung sorkari Section 144 alitsü ozüng agütsüogo.
Iba ozüng ya May 31, 2016 anogo tashi asütsü aser tzübo mesüra tzü anguba tesemtem nung nisung pungu dak tema madenshitsü tenokdangba agütsü.
Latur district kübok tanker-filling points, public wells, tanker-plying routes & storage tanks ajak nung iba ozüng ya alitsü, ta sorkar ketdangser kati ashi.
State sorkari Section 144 alitsü tuyuba sülen taoba Maharashtra chief minister Ashok Chavan-i sorkar aitsü. Devendra Fadnavis-i aniba sorkar mapang shitak nung mapa inyak asübo iba tensa majurula ta pai ashi.
“Latur nung tensa mejungi kümogo. Administration-i inyaktsü ta imlaba ka danga meinyak. Anogo 40-45 tashi tzü tajemtsü mangudang tensa mejungi akümer aser nisungtemi tejashi nung ozüng alema mapa inyaktsüsa akümer. Iba tensa ya sorkari ajurudaktsüba lir” ta Deobarnü Ashok Chavan-i ashi.
Tzünoktangtem nung tzü akongba aser Municipal Corporation-i water supply noktangba ajanga Latur nung tzü peria mangur. Lanur aser taintem ajak ayaterm nungi tzü angutsü atar aser parnok ghonda 3 jungnüa tarensena noktakteper.
Latur ya taoba Maharashtra CM Vilasrao Deshmukh tasoba jila lir aser tang iba jila nungi MLA ji par jabaso Amit lir.