Tzüdikong aser Merangkong nung azüngkenlu ayimtsü tesayuba agütsü

Mokokchung, July 15 (TYO): Agriculture Technology Management Agency (ATMA), Changtongya Block-i ayongzüka July 5 aser July 11 nü Tzüdikong aser Merangkong  nung azüngkenlu ayimba “Soyabean Cultivation” indang tesayuba ka agütsüogo, ta ATMA sangdong ka ajanga metetdaktsü.
Tesayuba balala nung shisalen sayurji; Imsüaküm (AFA Tuli) aser Mejamongla (ATM, ATMA) na liasü.
Iba tesayuba nungji aluyimertem nem azüngkenlu ayimba dak sentakba nung pilaa atemba (spacing), ali atuba/aonba yimya, anepalubayim den teka agi dena inyaka sayua liasü, ta parnokisa ashi.
Iba tesayuba nung Tzüdikong aser Merangkong nungi aluyimer parnok 40 shii shilem agia aden. ATMA-isa aluyimer nem angati azüngken metsü (Certified soyabean seeds) lema agüja liasü, ta ATMA osang nungsa shisem.