Tzümetsüng ajanga State Secretariat tzü suppy khenyongi raksatsü

Kohima, Aug. 09 : Kohima, State Secretariat Complex atema tzü suppy tongti khenyongi raksaa aliba noksa nung angur. Anogo ishika Kohima nung tzünglu kanga aruba ajanga Kohima-i abenba tzü supply tongti aika raksaogo. Ano külen NWVA Working Women Hostel anasa aliba Sanuorü ayong nung tzümetsüng ajanga State Secretariat asoshi tzü suppy tongti kanga mejungi raksaogo. Osang angazükba agi, PHED-i tekaraba nung State Secretariat atema tzü suppy tongtiji yanglutsü. Secretariat Complex nung rongdak nüngdak atema tzü litre lakh aika rizünga lir, ajisüaka mapang talangka amshitettsü asoshi tamshirtemi tzü kanga aanga amshitsü imlar.