Tzüngen-nak dang a !!

Alokba – Meyipsang! Naa kechisa meyipsar yaü Osang Tajung Ken kaket nung aliba kentem ajak tanur-tain ajaki temolung agi kokogo ta alidang, meyipsa tenzüka putu aika kobaang maten tangar memenep ‘Züpi angüma tur Sorung süngmang ama’ Pangkatepa alinung ano Tsüngrem O yaa meyipsadi ta asür na??
Meyipsang – Alok na kechi jembirba yaü Memetetra timi liang onokbo tsük dang jang majar mesüra   jang dang chi majar, asemtepdanga mulamushiasa (talubosaasa) asemteper na?!
Alokba – Oda naa Tzüngen nak tetsüla tu dang a! Aon nangdaktsünü dang, nü tetsüng-teka ajak  Sangtema aonbo nung enoktsümar tatem nungbo kechiang telasettsü enoktsü maka nü mang ajunga ajongoka  aso ama süalir ko!   Ayiiii Meyipsang bilemdangangju! Ken tena Lai azüngbaji  aremzüktsü, tai adoktsü, meimtsü aser medokteptsü atema danga tu. Joko  tang yabo tanüla dang Kotak jagi aotsüba masü saka temang tena süoshia tak ta semer aotsüba mapang aja!
Meyipsang – Alok na ya shir chirü Nütsüi langkoshishi aso  ano tang tashi memeyiptet, asemdangbo, mutoka asem, nangshbmia asem ta masü, katoka asem, milakbai asem, nülak tsüdokerbai asem,  ta dang jimbirji, taijibo shitaka ta kodanga mashitsü.
Alokba – Meyipsang nabo Tzüngen nak bo tzüngen naksaa!! Temeyong juoktsüyonga Temetep, Merang juoktsüyonga temetep, Süng juoktsüyonga temetep, Chiyongtsü juoktsüyonga temetep, memetep maka temetepdang!! Ni Alobai Laishibaa mazünger kechiaser ibai Tsüngrem o asünung Tsüngrem nisungia ajakbo angatettsü tasak nung ni Alokbai koma ser angatettsü,  saka nibo yamai dang  angateter; ‘Yihuda-1:11’tang Olympic nung shiba tama tongdir ta kanga karaa asemtepba amai, temenen mapa inyakbaji memeteti ka-ana inyakba masü kanga  onsara (talubosa) aser temenen mapa inyakyonga aobajia meilongi ita-küm nung masü saka second-minute shia  nung ta nibo angateter, kechiaser asem ta sera meyilongi jajaba dang majar. Anungji ‘Talubosa asema ao’ ta aliba amaji dang südaktsüner.

Lilir : MS Jamir, Dimapur.