Tzünglu junga maruba state 7 nem Centre-i sen cr 4,000 lemzüktsüogo

New Delhi, February 15 (Agencies): National Disaster Relief Fund (NDRF) nungi tzünglu junga maruba state tenet nem sen crore 4000 dak tema agütsütsü atema Hombar nü Centre sorkari agizükogo.

NDRF kübok tzünglu junga maruba ajanga kongshiba state Rajasthan nem sen crore 1177.59 teyari agütsütsü, Tamil Nadu nem sen crore 1773.78, Jharkhand nem sen crore 336.94, Andhra Pradesh nem sen crore 280.19, Assam nem sen crore 332.57, Himachal Pradesh nem sen crore 170.19 aser Nagaland nem sen crore 16.02 agütsütsü.

High-level committee (HLC) senden nung item state nem senotsü teyari agütsütsü telemtetba agia liasü.

Iba senden nung Union Finance Minister, Arun Jaitley aser Home, Finance den Agriculture ministry tem nungia tongti ketdangsertem dena liasü.

“Central nungi teshimtet telok kati tzünglu junga maruba state tem semdangba sülen osang agütsübaji Committee kati reprangdanga liasü. National Disaster Relief Fund nungi senotsü teyari agütsütsü lemtetbaji HLC-i agizükogo” ta senden tembangba sülen ketdangser sangdong ka ajanga metetdaktsü.