Tzünglu tzü rizünga ayutsü atema beneficiary 20 shim

Kohima, Chiteni/July 06 (TYO): Tanü Raj Bhavan, Kohima nung sentong ka ayonga tzünglu tzü rizünga ayuba ajungkettsütsü atema nisung 20 shimogo, aser parnok nem tzü litre 3000 indang water tanks agütsütsü; iba mapatong ya Nagaland Angh, PB Acharya-i achaayanga inyakba mapatong ka lir, ta PRO to Governor sangdong ka nung metetdaktsü.
Tamalen Angh, Acharya-i, sensotemi Kohima jila nung tzü wazüka ayuba ajungkettsütsü atema nisung 20 nem 50% subsidy nung tzü rizüngba water storage tank agutsütsü, ta sangdonga liasü.
Iba tajangzük agitsü atema Governor’s Secretariat nung nisung 46-i tenüng agüja liasü, aser tanü ‘lucky draw’ ka agia tajangzük angutsüpurtem tenüng shimteta liasü.
Angh kinüngtsü, Kavita Acharya-i mezüngbuba tenüngji shim aser tanüngba tenüngtemji staff temi shima liasü. Iba dak alia waiting list atema nsiung 5 shimsem.
Angh-i, tzünglu tzü rizünga ayutsü mapang tongogo, tzünglu tzü rizüngtsü atema mapang magir, saka ibaji ajanga kibong nung mesüra business atema tajangzük kanga agutsür, ta metetdaktsü.
Paisa, state tesem timbaka nung tzüngluji ita trok shi dang arur, anungji tzünglu tzü rizüngba ajanga nüburtem ajangzüktsü, ta ashi.
Paisa sensotem dang tanks yur tzü rizüngba ajanga state nung tzü agi anüngba tebilemtsü nungi jenbutsü ajungshia liasü.
Raj Bhavan Kohima-i tzü litre 3000 asemba storage tanks anepalua liasü aser Governor’s Secretariat-i tanü shimtetba nisungtem den tongteprateptsü.
Water storage tanks agizüktsü atema tatembangbuba anogoji Chiteni/July 25, 2018 anogo asütsü aser iba anogo tashi nung magizükra waiting list nung alir nem maongka agutsütsü.
Water storage tanks tajangzük angutsüpurtemji yamai alitsü:
1. Tezenlo Magh, Perizie Colony, High School,
2. Yangpila Anar, Chandmari Colony
3. Vitsonei, Agri Farm Colony
4. Kevi Angami, Phezou Jotsoma
5. A. Meren Jamir Lower Forest Colony
6. Denise Keppen, Kuoliezou Colony
7. T. Boulie Angami, Naga Hospital Colony
8. Longra Chongdok, Sepfüzou Colony
9. Khaimang Thangeo, New Minister’s Hill Colony
10. Mhalezonuo, Middle PWD Colony
11. Nokevi Sakhrie, Zienuo Badze Colony
12. Kevimedo, Zoudo Colony
13. Lhingjahoi, New Minister’s Hill Colony
14. Ashuy, Lerie Colony
15. Hetoli Tep, Kezieke Colony
16. Asino Kechu, Lower P R Hill
17. Sazole Kikhi, Upper Daklane
18. Kevimedo Zumvü, Nachama Village
19. Kikrusaü, High School Colony
20. Medophrenuo,C/O Mewi Abode Hostel, IG Road
Ano waiting list nung shima alirtemji:
1. Anthony Ajabou Solo, Zienuobadze Colony Near IG Stadium
2. Chubayula, New Minister’s Hill, Colony
3. Lanusangla Lemtur, New Minister’s Hill Colony
4. Imliwati Jamir, Lerie Colony
5. Tiawapang Ao, Upper PWD Colony