Tzüngluruwa atema renemshiba senden ayonger

Dimapur, Rongchii/April 23 (TYO): Mon Deputy Commissioner aser DDMA medenpuba, Thavaseelan K IAS-i, sangdong ka ajanga State Level Pre-Monsoon Preparedness senden dak sendakba nung District Level senden ka April 26 nü 11:30 ako nungi tenzüka DC Conference Hall nung senden akatsü metetdaktsüogo. State Level Pre-Monsoon Preparedness senden ya April 16 nü Secretariat Conference Hall nung agia liasü. DC-isa taruba senden nung Pre-Monsoon Preparedness dak sendakba nung sensaksemtsü aser state ajunga nung nübutoka mapa inyaktsü aliba onük nunga sensak asemtsü, ta metetdaktsüogo.
Maneni iba senden dak sendaka aliba ketdangsertem ajak arua adentsü asoshi DC-i metetdaktsüogo, ta ketdangseri metetdaktsü.