Tzüra Atem – (T.Ken 104: 5-13)

Shirnok yimti nung alir parnoki Tsüngremji teyanglur Tsüngrem lir ta ken ken amadoker. Lemangtem cement agi takang yanglur. Yakta Tsüngremer teyangluba takang yanglur lila ta bilemer. Asenoki Tsüngrem teyangluba ken shisadangtsü aser metettsü tenüngdaktsü. “Pai alimaji iba tongshi manung yanglu, angji teti aji marakzütsü asoshi. Nai aji süoshi agi ama molutzü agi nembangtsü; tzütemji temalen noktak. Nai arutsü nung parnok ajen, Ne tsüngmok ola agi parnok yakta jena oadok. Parnoki ajanga maotsü nai arutsü yanglua toktsü; angji tanaben parnoki alima meyipa menembangtsü” (t.5-7,9).
Tzüji temoatsü ka lir. “Pai ayongnutem lenteni yoker; tenem rongnung parnok ayimer” (t.10). Ayongtem, ayongnutem aser tenemtemji tobur tajung noksa ka lir, koba nung shirurutem chiyongtsü aser tajemtsü angur. “Moapu shiruru shia nem parnoki tajemtsü agütsür; arem gadotem tzüra atemer” (t.11). Item ayongkümtem nung aliba süngdongtem nung ozütem tesep yanglur- “Kongsangtem rong nung parnoki ken atener” (koda tobur tajung) (t.12).
Tsüngremi ali nung tzü aiener. Tsünütsü adoker, aser nisung aser shiruru alitsü akoker. Aser talila temoatsü ka ama, ozütemi kongsangtem rongnung ken atener. Teyangluba ajak temulung süa lir.
“Pa temaba takdang nungi Pai tenemtem nung tzü agütsür. Alima ne mapatem süngjang agi sünga lir” (t.13).
Teyanglur Tsüngremji ano tekümtet Tsüngrema lir, aser tanü Pai ne tetsüraba tiptemdaktsütsü.
Ne temang asoshi Tsüngremer temoatsü yimya ajanga ne nem bilemtetdaktsür. Pai ano Pa purtem nem tanela nüngdak agütsür. Na tanüa nüngdak lir asü? Ne tanela Pa temoatsü süngtsütsü Tsüngrem dang asüngdangang.