U-17 Football: India telok semi nung tsük

Rio de Janeiro, December 17 (Agencies): India’er Under 17 (U17) football asayar teloki tamakok ngua, tang tasayadak U17 International Football asayamong semifinal nung yashi, Hokolbar nü shilem agiogo.
Brazil nung tentetba Atletico Paramaense teloki goal 4-0 agi India telok tsükdaktsü.
Atletico teloki asaya mezüngbuba shilem tatemlen 1 buba goal agütsüba sülen asaya tanabuba shilem tetenzülena 2 buba goal agüja, goal 2-0 agi India den temaba jenjang angu.
Par teloki asaya tembangtsü minute 10 shi anüng alidang goal 2 tashi atonga agütsüba yong Atletico teloki goal 4-0 agi India madak takok ngua, final asayatsü jenjang ajangzük.
India teloki tan asayamong nung 3 buba jenjang ajangzüker telok akümtsü atema Orlando City SC telok den tan Deobar nü asayatsü.