U-19 Inter State Cricket: Meghalaya-i wicket 5 agi Arunachal akok

Dimapur, November 16 (TYO): Meghalaya nung tentetba SCA teloki wicket 5 agi Arunachal nung tentetba ACA telok madak takok ngua tang tasayadak Under-19 Inter State One-Day Cricket series tanü Hombar nü asayaogo.
Delhi nung tentetba Kind Bird Co.-i nungdakba teyari agüja Northeast nung cricket jenjang tajungba kümdaktsütsü nükjidong nung ayongba Under-19 cricket asayamong ya Dimapur kübok Sovima nung tentetba Nagaland Cricket Academy Stadium nung tang tasayadak lir.
Tayonger, Nagaland teloki asüng, Mongolbar nü Meghalaya telok den ajuruteptsü aser iba asaya akokba telok series final-i aitsü.
Tanü asaya nung Rajesh, Robert aser Veer nungeri runs 11, 20 aser 20 yangluba densema par Meghalaya teloki overs 13.4 nung ajak agi runs 70 yanglu.
Arunachal asayartem, Aka, Ashok aser Safi nungeria runs 16, 11 aser 12 yanglua tanü kanga meranga asaya saka par teloki overs 22.4 nung ajak agi runs 69 dang yangluteta tanü tamakok ajuru.