U-19 World Cup: Pakistan-i Sri Lanka madak takok angu

Mirpur, February 03 (Agencies): All-rounder asayar, Hasan Mohsin-i runs 86 yangluba den külemi, runs 28 agüja wicket 2 tashi agia shilem agiba ajanga par Pakistan teloki runs 23 agi Sri Lanka telok madak takok ngua tang tasayadak ICC Under-19 World Cup nung tanü, Bodbar nü asayaogo.
Pakistan teloki tanü tatembangba league asaya akokba sülen par Group B nung temaba jenjang angur lir.
Hasan-i runs 86 yangluba den külemi, Salman Fayyaz aser Damitha Silva nati runs 33 aser 2 yangluba densema, par Pakistan teloki overs 48.4 nung ajak agi runs 212 yanglu.
Tesülen, Kamindu Mendis, Vishad Randika aser Shadab Khan nungeri runs 68, 46 aser 3 yanglua kanga meranga asaya saka par Sri Lanka teloki runs 189 dang yangluteta tanü tamakok ajuru.
Tanü takok anguba sülen Pakistan teloki West Indies den 4 buba quarterfinal tan February ita 8 nü asayatsü jenjang nguogo.
Group B nung tanabuba jenjang angur West Indies telokia England den tan February ita 7 nü asayatsü.