U-23 Men’s One Day league osang

Cuttack, Tsüklai/Feb. 15 (TYO): Tang tesayidak aliba U-23 Men’s One Day league cricket asayamung nung Bihar den Nagaland-i tamakok anguba sülen February 15, 2019 Hokolbarnü Plate Group mezüng asaya nung Nagaland-i Meghalaya madak run 122 agi takok ngua liasü. Iba asaya nung Nagaland captain Nagaho Chishi-i toss akok aser bat asütsü shim. Nagaland nungi over 50 tashi asayaba mapang wicket 9 out süa runs 261 yangluteta liasü. Nagaland nungi asayar Arpit-i runs 45, Kshitiz-i runs 51, Vinayak-i runs 46 yangluteta liasü. Kasa inning nung Meghalaya nungi Kenny-i wicket asem agi aser Nafees aser Kartik nati wicket ana-na agia liasü.
Tanabuba inning nung Meghalaya ya over 39 buba nung runs 139 yangluteter asayar ajunga out süma. Par telok nungi Rohit Shah-i runs 55 aser Rohit P-i runs 22 yanglutetba dak alaka tanüngba asayartemi kanga jungabo masayatet.
Iba inning nung Nagaland nungi Arvind aser Akavi Yeptho nati wicket pezü-zü agiteta liasü.
Maneni Nagaland ya Sikkim den February 17 nung asayatsü lir.