U.S. nung tetsür takartem rongnung Jessica Alba densemogo

New York, August 18 (Agencies) : America nung tetsür takartem rongnung Jessica Alba densemogo aser iba ya la sasa meranga inyakba ajanga atongba lir.
Jessica-i The Honest Company ta ser non-toxic product line ka lapokba ajanga Series D financing nung $100 million tongogo aser ibaji ajanga la indang rongsen $340 million shi jungogo ta Business Wire ajanga metetdaktsü.
Pei sasa takar akümba tetsürtem Forbes’ list tarensen nung Jessica Alba züngsemogo. Iba tarensen nung kaket zülur Nora Roberts, Texas totzü company kibur Kathy Lehne aser kentener Madonna nungertem dena lir.
Kentener Beyoncé Knowles indang rongsen $250m shi lir saka la dang nungi Alba takartiba kümogo.
Alba-isa YouTube CEO Susan Wojcicki ($300 million) ajatetogo saka lai Yahoo CEO Marissa Mayer $40 million shi agi matong lir.