U16 Inter school cricket tournament ayonger

Dimapur, Monupii/May 1 (TYO): Dimapur District Cricket Association (DDCA)-i U16 Inter School Cricket tournament nung shilem agitsü atema jangraba Dimapur kübok aliba school ajak dang DDCA tir dangi parnok iba asayamung nung shilem agitsüba indang osang tejangja shiti ajanga May 7, 2019 nü tashi nungbo agütsütsü asoshi metetdaktsüogo. Application ya whatsapp ajanga DDCA ketdangser Choba Lotha @ 7005204405 dangi yoktettsü.
Iba asayamung nung asayatsüpurtem 1/9/2003 sülen asortem asütsüla aser fixture yangluba anogo parnok indang original birth certificate agütsütsüla. Team ajak ket nung parnok indang cricket kit tem alitsüla aser jersey temesüng asemtsüla.
Maneni iba asayamung nung Dimapur District U16 team atema asayartem shimtsü, shirnok Inter district tournament nung Dimapur tenüng nungi asayatsü, ta DDCA General Secretary A. Rahman-i sangdong ka ajanga metetdaktsü.