U2-i Belfast Concert nung Paris lendong nung asürtem bilemtet

November 13, 2015 nü kiralongrartemi Paris yimti amakba sülen anogo ka lir U2 kentener teloki Bataclan concert hall anasa asürtem nem akhüm agütsüba noksa nung angur.

 Nov. 19, 2015: Nüngtugu kentener telok ‘U2’-i Bodhbar aonung Northern Ireland, Belfast nung parnok kenten sentong nung tawa kiralongrartemi Paris yimti amakba mapang asürtem bilemtetogo.

Rock kentener telok U2 ya taoba hopta (Nov. 14-15) France nung kenten sentong nung shilem agitsü liasü, ajisüaka Paris yimti nung lendong atalokba ajanga kenten sentong thinena liasü. Parnoki tesüslen Batalcan anasa makeshift memorial semdanga liasü, iba tesem nung ya November 13 aonung nisung 80 tashi taküm sama.

Par telok nung tongti Bono-i, kiralongrartemi Paris amakba mapang nung Batalchan anasa par telok ken terenemshitak liasü, ta metetdaktsü.

Bodhbar aonung SSE Arena, Belfast nung Ireland nunger kentener telok U2-i iNNOCENCE + eXPERIENCE tour maneni tenzükshiogo.

Parnok iba yimti nung tesütiba shilem agibaji 1997 küm liasü.

Par teloki ken asem atenba sülen 2006 küm ken, ‘City of Blinding Lights’ aten iba mapang screen tulu nung Paris yimti nung aliba Eiffel Tower densema yimti nung aliba tanga tesemtema sayaa liasü.