U2-i Paris lendong nung asürtem nem akhümtsübu agütsü

December 07, 2015: Ireland nungi kentener telok, U2-i parnok ken tasenba ajanga Paris nung nisung 130 asüba lendong atema akümtsübu agüja liasü.

Parnok ya Paris nung lendong atalokba sülen tananü concert sentong akatsü liasü, ajisüaka lendong tulu atalokba ajanga thinena ata aser taoba Deobarnü (December 06) iba sentongji agiogo, ta BBC osang ajanga ashi.

“Onok Paris nung asür kibongtem den lir,” ta AccorHotels Arena nung screen tulu nung asür tenüngtem adoka sayuba mapang Bono-i ashi.

“San Bernardino nung asürtem dena onok dena lir,” ta pai shisem.

Concert sentong metenzükdang Bono-i ken tasenba “Streets of Surrender” indang rasaa ashi. Iba ken nung Paris ya “city of liberty” aser yangi “streets of love & pride” lir, ta shia lir.