U2 teloki atenba ‘The Fly’ anema ken o benoka lir

February 28, 2017 (Agencies): England nung ken mejema atener telok kati parnoki zülua aliba ken nungi ojang kar U2 teloki atenba ‘The Fly’ nung inoka lir, ta ken o benok.
U2 teloki 1991 küm atenba ‘The Fly’ ken ya iba küm October ita nung UK chart nung temaba jenjang nung liasü.
Kentener Paul Rose-i Manhattan federal court nung Hombar (February 27) anogo nung ken o benok. Paul-i 1989 küm atenba ‘Nae Slappin’ ken ya U2 kentener teloki angashiba sülen iba ken nungi ojang ya agizüka ‘The Fly’ ken nung inoka aten, ta pai ken o benoka aliba nung zülua lir.
Iba ajanga ‘The Fly’ ken zülur kibur tenüng ya parnok nem agütsütsüla aser sen million $5 agütsütsüla, ta Paul Rose-i ken o benoka lir, saka Island Records aser U2 nungi iba osang züluba tashi nung kecha telangzüba agüja mali.
U2 kentener telok ya parnoki 1987 küm ‘The Joshua Tree’ kenseb yanglur küm 30 ajungba nüngtem nung Europe aser North America nung kenten sentong balala agitsü asoshi terenemshiba mapang lir.