U23 Inter district cricket asayamung osang

Dimapur, Rongchii 14 (Agencies): NCA stadium, Dimapur nung tang tasayadak U23 Inter district cricket asayamung Group B mezüngbuba asaya nung Mokokchung team-i Wokha team wicket 6 agi kokogo aser Tuensang team-i Kohima team wicket 9 agi kokogo.
Tanü asaya mezüngbuba nung Wokha team-i toss akokba sülen parnoki mezüng bat asütsü shimtet. Bat asüba nung parnoki over 24.2 nung ajak out sür run 139 yanglutet. Parnok rongnungi Nchombemo Kikon-i run 28, Nchumbemo-i run 24, Harsh-i run 17 aser Romokon-i run 16 yanglu. Mokokchung nungi bowlertem rongnungi Aloto-i wicket 3 aser Sentiwapangi wicket 2 agi.
Asaya tanabuba shilem Mokokchungpur batting amenba nung parnoki over 19.3 buba nung wicket 4 out sür run 141 yangluteta iba asaya akok.
Parnok rongnungi Monoj-i run 82 aser Vijay Rai-i run 22 yanglutet. Wokha pur bowler tem rongnungi Chumben-i wicket 2 agi. Iba asaya Mokokchung puri wicket 6 agi kokogo.
Tanü asaya tanabuba Kohima aser Tuensang na asayaa liasü. Toss akokba sülen Kohima puri mezüng bat asütsü shimtetba nung parnoki over 20.3 nung run 81 yanglur ajak out süadok. Parnok rongnungi Sepichem-i run 23, Raj kumar-i run 14 aser Hiketo-i run 16 yanglu. Tuensang pur bowler tem rongnungi Abu salam-i wicket 3 aser Pathong-i wicket 3 agi.
Tuensang pur bating asüba nung parnoki over 13.3 nung wicket ka out sür run 85 yanglua iba asaya kokogo. Parnok rongnungi Aditya-i run 50 aser shabab-i run 19 yanglu. Kohima pur atema zhalietuo-i wicket ka agi. Iba asaya ya Tuensang puri wicket 9 agi kokogo.
Asüng asaya yamai alitsü:
8:30 ako:
Kohima vs Wokha
1:00 ako:
Mokokchung vs Tuensang.