U23 Nagaland tetsür team-i Arunachal kokogo

Dimapur, Metsüremi/March 30 (TYO): Tang tasayadak Plate group U23 womens oneday league, round IX buba nung Nagaland tetsür team-i Arunachal team wicket 9 agi kokogo. Iba asaya ya Bhubneshwar kübok KIIT university ground nung asayaa liasü. Nagaland team-i tang tashi nung asaya pongu kokogo aser asaya ana mekoki lir.
Asaya nung Arunachal team mezüng bat asü aser parnoki over 50 nung wicket 9 out sür run 112 yanglua liasü. Parnok rongnungi Megha sharma-i run 35 yanglu aser K.Kaithl-i run 25 yanglu.
Nagaland team nungi bowler tem rongnungi Tulika-i wicket 2 out sütsü aser Sariba o sheetal nati wicket kaka agi.
Asaya tanabuba shilem nung Nagaland team bat asüba mapang parnoki wicket 1 out sür over 21.1 nung Arunachal team-i yanglua aliba run menepa run 115 yanglu.
Parnoki rongnungi Nazma-i run 55 yanglu aser Vaincy-i run 42 yanglu.
Nagaland team taruba asaya Mizoram den April 3 nü asayatsü.