UAE-i 2117 tashi nung Mars nung mezüng yimti yanglutsü

Colombo, February 17 (Agencies) : Asetkong linük Sri Lanka indang Airlines ji South Asia nung aliba airlines rongnung tajungtiba ta China nung tongtibang Travel magazine ka ajanga tenüng agütsüogo, ta Hokolbarnü airline sangdong ka ajanga metetdaktsü.
Sri Lanka Airlines-i taoba mapang World Travel Awards nunga Indian Ocean tesem nung jajaba tayimtsü rongnung ‘World’s Leading Airline’ sempet angu aser Future Travel Experience Asia Awards nung Central aser South Asia nung ‘Best Full Service Airline’ sempet anaben atonga ngua lir.
Yaküm China indang Life Weekly magazine nung iba airline yagi ‘Most Innovative Marketing Airline’ tenünga nguteta lir, ta osangbenertemi metetdaktsü.
Top Travel Chief Editor Wang Jianmei-i, “South Asia nung ‘Best Airline’ sempet ngutetbaji parnoki meranga inyakba ajanga lir,” ta ashi.
Sri Lanka Airlines atema China nung linük nungi Manager Ravindran Veeraperumal-i, “Onoki Sri Lanka airline ajungkettsü meranga inyakba mapang ka nung iba sempet anguba ajanga onok kanga ajungmesor. Onoki ano customer tem pelatsüsa maneni inyaktsü,” ta ashi.