UAE lenisang,Mohammed-i Poland semdanger

Warsaw, June 08(Agencies): United Arab Emirates (UAE) Ato Kilonser, Sheikh Mohammed bin Rashid Al Maktoum-i tanü Hombar nü Poland semdangba osang jangjaogo.
Dubai emir, Mohammed-i tanü Warsaw yimtiba tonga aoba sülen Poland Tir, Bronislaw Komorowski den ajurutepa senden amenba oanga jangjaogo.
Tanü lenir anati ajurutepa senden amendang raliwalirtsüren, aluyimtsüren,higher education aser scientific research shilemtem nung par linük anati amalitepa inyakteptsü lemteta liasü.
Tir Komorowski den ajurutepba sülen Mohammedi Tomb of the Unknown Soldier leper semdanga idakji narokzük yuja aküm agütsüba sentong ka agiogo ta sorkar ketdangser kati metetdaktsü.
UAE-i Poland nung shishilembatsü maparen taoba mapang nungi timba inyaktsü imlaba olen ka Komorowski-i tanü senden nung benokba osanga jangjaogo.
Par linük anati yaküm 2014 küm US nunger dollar sen billion 1.3 shi jenjang aketba shishilembatepba osanga bushiteta lir.