UAE: Tanur tepseter ka tasüba agi merenshitsü obendang agütsür

Dubai, August 15 (Agencies): Dubai nung tentetba okadak kati arishi küm 8 tain tebur chanu ka tepsetba ken o nung aitsüba sülen Jordan senso ka nem tasüba agi tepseta merenshitsü obendang tanü, Hombar nü agütsüogo.
“Arishi küm 49 tain Nidal Eisa Abdullah-i Obaida Sedqi par kidang nungi tashiyim agi taküm May ita 20 nü pur aoba sülen tashiyim agi pa taküm raksaja pa tepsetba kuli ngutetba sülen okadaki Abdullah tepseta merenshitsü obendang agütsüogo,” ta Gulf News daily-ia osang jangjashitsü.
Ano, pa tepseta merenshiba jakdang pai tepsetsang, Obaida’er tsürabur nem temenok sen, dollar sen 5,700  agütsütsü tetuyuba ka okadaki Abdullah nem agütsüba osang angazükogo.
Okadaki tanü tasüba agi merenshitsü obendang agüja aka, tasüba agi merenshitsü asoshi agütsüba obendang shia tanaben reprangshitsü ozüng UEA-i lateta lir.