Uber Cup:India tsürtem quarter-final tongtetogo, teburtem tsükogo

Kunshan, May 18 (Agencies) : Tang tasayadak Uber Cup asayamong nung Bodhbarnü India tsürtemi Group D nungi Japan tsürtem round tasembuba nung 2-3 agi makok, ajisüaka parnok quarter-final-i iogo.

Aji oda süaka Group B tatembang aser tasenbuba asaya nung teburtembo Thomas Cup den saku süa 0-5 agi Indonesia madak tamakok anguba ajanga iba asayamong nungi tuguogo.

Teburtemi tesüiba mapanga Thailand aser Hong Kong na madak tamakok ngur aru aser tan-a China nungi tamakok ngur arutsü.

India tsür Saina Nehwal-i 21-18, 21-6 agi World No. 5, Nozomi Okuhara madak takok angu aser PV Sindhu-i 21-11, 21-18 agi World No. 11, Akane Yamaguchi madak minute 30 nung takok angu.

Group D nungi India tsürtemi Japan sülen tanabuba jenjang nung temtetba ajanga parnok quarter-final nung asayatsü maongka ngutet.