Uchimura-i World Gymnastics takok marok 6 buba agizükogo

Glasgow, October 31 (Agencies): Japan nunger gymnast, Kohei Uchimura-i Gymnastics World Championships tebur all-around shilem nung temaba jenjang ngua tan agi 6 buba World title atonga akoker küma otsü tasen ka yashi Hokolbar nü yangluogo.
Arishi küm 26 tain Uchimura-i floor, pommel horse, rings, vault, parallel bars aser horizontal bars nunger densema tetoktepba shilem 6 tashi nung kanga junga shilem agiba sülen ajak agi points 92.332 ngua yashi gold medal agizük.
Kasa shilem nung Cuba nunger Manrique Larduet-i points 90.698 ngua silver aser China nunger Deng Shudi-i points 90.099 ngua bronze agizüka liasü.
Uchimura-i World Championships asayamong 6 tashi nung shilem agiba sülen gold medal 9 densema ajak agi medal 18 tashi agizüka lir.