UDP candidate-i Meghalaya by-election atema tenüng agütsü

Shillong, September 25 (Agencies): October 21 nü agitsü aliba Shella Assembly Constituency indang by-election nung tokteptsü atema United Democratic Party (UDP) candidate, Balajied Synrem-i tenüng agütsüogo.
UDP candidate-i sub divisional officer, L Kynjing tsüngdang pa indang nomination papers agütsüogo. L Kynjing ya Shella Assembly Constituency indang by-election atema returning officer lir, ta Chief electoral officer, F R Kharkongori metetdaktsü.
Tanü UDP lennirtem aser Assembly Speaker, Metbah Lyngdoh den MLA temi Synrem meina ao.
Synrem ya asür Donkupar Roy’er jabaso lir. 1988 nungi tenzüker kümsük tenetben tashi Donkupar-i Shella Constituency nungi MLA inyak.
July 21 nü Donkupar asüba ajanga by-election agitsüsa tensa ajuru. Iba election atema tenüng agütsübaji September 23 nungi tenzük aser September 30 nü tembangtsü.