‘Udta Punjab’ film-i mezüngnü sen crore 10.05 aatet

Mumbai, June 18, 2016 : Abhishek Chaubey-i tan tesüsa direct asüba “Udta Punjab” film ya Punjab, India nung mozü lartem dak ajemdaker yangluba lir aser linük nung iba film sayanü sen crore 10.05 tashi aatetogo, ta official sangdong ka ajanga metetdaktsü.
“Udta Punjab” film yanglurtem iba film sayatsü atema Central Board of Film Certification (CBFC) dang nungi temelaba meshitsü atema kanga timtemogo.
Mezüngbo CBFC-i parnok dang film nung shilem 89 tashi intoktsü ashi saka kanga junga asadangba sülen shilem 13 intoktsü ashi. Anungji film yanglurtemi Bombay High Court nung oa angatettepa CBFC-i intokang ta ashiba shilem tem meintoki film sayatsü temelaba angu.
Iba film ya Phantom Films aser Balaji Motion Pictures nati produce asü aser film nung Shahid Kapoor, Alia Bhatt, Kareena Kapoor Khan aser Diljit Dosanjh nungeri shilem agia lir.