UEFA 2015 Team of the Year nung Messi, Ronaldo & Neymar densemer

Barcelona, January 08 (Agencies): FIFA Ballon d’Or sempet agütsütsü asoshi shimba asayar finalist tarsensen nung densemertem, Lionel Messi, Cristiano Ronaldo aser Neymar nunger 2015 UEFA Team of the Year nung densemogo.
UEFA.com amshir nisung million 7.2-i vote agütsüba sülen Spain nung ayongba tongti football asayamong, La Liga nung shilem agir asayar 8 tashi tatembangba asayar 11 rong nung densemba osang jangjaogo.
La Liga, Copa del Rey aser UEFA Champions League densema, tongti asayamong 3 tashi indang takok marok agizüker, Barcelona telok asayar timba tan shimba asayar 11 rong nung densema lir.
Tan shimba asayar tarensen nung English Premier League (EPL) asayamong nung shilem agir asayarbo ka danga densema mali.
Messi o Neymar na den külemi, Dani Alves, Gerard Pique aser Andres Iniesta nunger Barcelona telok nungi densema lir.
Real Madrid telok nungia Ronaldo den aroki, Sergio Ramos aser James Rodriguez na densemba osang jangjaogo.
Bundesliga champions, Bayern Munich nungi goalkeeper, Manuel Neuer aser defender, David Alaba na aser Italy nung ayongba Serie A asayamong nung shilem agir Juventus telok nungi Paul Pogba nungera temaba asayar telok nung densema lir.