UEFA Best Player Award: Messi, Ronaldo & Saurez nunger tenüng shimtetshir

Paris, August 13 (Agencies): ‘2014-15 UEFA Best Player in Europe’ sempet agütsütsü asoshi benokba asayar tenüngtem nungi tanaben shimtetshiba asayar tenüng 3 rong nung FC Barcelona telok nung züngsemba Uruguay forward, Luis Saurez tenünga yashi Bodbar nü densemogo.
Temaba jenjang nung alir, Lionel Messi aser Cristiano Ronaldo na den külemi densemtsü asoshi arishi küm 28 tain Saurez-i tan jenjang tajung angur lir.
Külem Barcelona telok züngsem, Messi-i 2011 küm mezüngsüa agütsüba UEFA Best Player in Europe sempet agizük aser Real Madrid asayar, Ronaldo-i 2013-14 UEFA Best Player in Europe sempet agizüka lir.
Barcelona teloki Champions League, La Liga aser Copa del Rey densema tongti takok marok 3 tashi agizükba den külemi, par Argentina-i Copa America final nung shilem agitsüsa Messi-i tongti shilem agiba yong 2014-15 UEFA Best Player in Europe sempet agütsütsü asoshi Messi pusemer timba aliba osanga angazükogo.
Champions League asayamong indang group stage draw sentong Monaco nung tan August ita 27 nü agidang, 2014-15 UEFA Best Player in Europe sempet ya par asem rong nung ka nem agütsütsü renema lir.