UEFA Champions League: Juventus teloki Manchester City akok

Paris, November 26 (Agencies): Taoba UEFA Champions League finalist, Juventis teloki yashi Bodbar nü takok ngua Paris Saint-Germain, Atletico Madrid aser Benfica teloktem den aroki tang tasayadak Champions League asayamong nung shilem agir tatembangba telok 16 rong nung densemogo.
Mario Mandzukic-i külem asayar, Alex Sandro-i renemtsüba cross ball agizüka goal 1 agütsüba ajanga par teloki goal 1-0 agi Manchester City madak Group D asaya koka jenjang tajungji angu.
City teloki yashi tamakok ajuruba jakdang tatembangba telok 16 nung densemtsü jenjang ngua lir saka par teloki tan tamakok anguba ajanga points 2 agi Juventus telok memeneptsüsa tang jenjang nguogo.
“Group asaya 1 anünga alidang ozü asayartemi iba jenjang tajung bener arutsüba atema parnok dang kanga pelar,” ta Juventus coach, Massimiliano Allegri-ia metetdaktsü.