UEFA Champions League: Real-i City den semifinal asayatsü lemzük

Nyon, April 15 (Agencies): Real Madrid teloki Manchester City aser Atletico Madrid teloki Bayern Munich telok den tang tasayadak UEFA Champions League football asyamaong semifinal asayatsü asoshi tanü, Hokolbar nü lemzükogo.
European champion akümtsü jenjang 10 ben tashi anguba Real teloki tan mezüngsüa semifinal asayatsü jenjang angur City telok den semifinal mezüngbuba shilem Britain kübok Manchester nung tan April ita 26 nü asayatsü aser tanabuba asaya taruba May ita 4 nü asayatsü.
Germany nung tentetba Bayern telokia Atletico telok den mezüngbuba asaya Spain kübok Madrid nung tan April 27 nü aser tanabuba asaya Germany kübok Munich nung taruba May ita 3 nü asayatsü lemzükogo.
Par telok anati tesüiba mapang, 1974 nunga final nung ajurutep aser Bayern teloki goal 4-0 agi takok ngua liasü.
Semifinal asaya nung takok angur telok anati Italy kübok Milan nung tentetba San Siro stadium nung taruba May ita 28 nü final asayatsü.