UGC MHRD-i NER kaketshirtem scholarship atema metetdaktsür

Dimapur, September 02 (TYO): University Grants Commission, Ministry of Human Resource Development, Government of India, Secretary, P.K.Thakur-i sangdong ka ajanga, North East Region (NER) kaketshirtem atema ‘Ishan Uday special scholarship’ asoshi National Scholarship Portal (http://scholarships.gov.in/) nung inoktsüogo, ta metetdaktsü.
Tan academic year atema online application maparen tenzükogo; item form ya kaketshirtem scholarship angutsü atema temsüa aliba reprangtsü asoshi nüngdak.
Iba dak alia University/Institute/College-i verification maparenji kanga nendaka inyaktsüla; application tasen atema October 31, 2017 nü tashi lapoktsür, ta kasa osang ajangasa metetdaktsü.