UGC Secy-i university tem dang NHD 2017 atema sangdonger

Dimapur, August 01 (TYO): Kümshia August 7 nü amongba National Handloom Day dak sendakba nung UGC Secretary, Prof. Dr. Jaspal S. Sandhu-i University tem dang peipei University campus nung Directorate of Field Publicity (DFP) nem tapet tesem lemzükjang aser item sentong nung kaketshirtem nem shilem agidakjang, ta metetdaktsü.
Iba anogomong dak sendakba nung Directorate of Field Publicity (DFP) aser Ministry of Information & Broadcasting-i linük tesem balala nung quiz, weavathon aser debate ama tetoktepba sentongtem ayongzüka akatsü.
National Handloom Day ya handloom industry ajanga linük rongsenkettsüng ajungkettsüba nung shilem agiba aser handloom ajungkettsütsü atema lir. Iba den külemi südakertem income ajungkettsütsü aser parnok nem akhüm agütsütsü nükjidong nung iba anogomong ayonga amunger.