UIDAI-i Aadhaar Seva Kendras lapoktsü

New Delhi, Mongputeni (October) 30 (Agencies): Unique Identification Authority of India (UIDAI)-i Aadhaar züluokba aser update asüba maparen nung yariteptsü atema Aadhaar Seva Kendra lapoktsü.
Passport Seva Kendras ama Aadhaar Seva Kendras lapoktsü.
Supreme Court-i Aadhaar card ya Linük temzüngi melaba ama lir ta oshidang ka agütsüba sülen ita ishika lir UIDAI-i Aadhaar Seva Kendra lapoktsü osang metetdaktsüogo.
Taoba Chief Justice of India Dipak Misra-i aniba bench ajanga Aadhaar ya Linük temzüngi melaba ama lir, saka banking, mobile phone services, school admissions mesükba mapa atema kechi südir agitsü ta ashitsü temeten mali, ta oshidang agütsü.
Aadhaar ya PAN den sendakteptsübaji nüngdak aser nija company shingaia nisung ka dang Aadhaar data meshitsü temeten mali, ta Supreme Court bench-isa oshidang agütsü.
Tang linük kübok tesem balala nung lapoka aliba Passport Seva Kendra ya one-stop centres lir. Passport tasen aginürtemi mesüra renew sünürtemi teyari tulu angur aser iba mesükba nung Aadhaar Seva Kendras lapoktsü.