UK Naga Association 11 buba lokti senden agi

Dimapur, July 11 (TYO): July 8, 2017 nü UK Naga Association-i 12 buba lokti senden ayonga amung. Iba sentongji England anüdoklentip tsütsü aliba Coldwell nung agi aser nisung 40 dak tema aden, ta Co-ordinator-i sangdong ka nung metetdaktsü.
“Onoki kümshia lokti sendenji yimti nungi pilar tezülen agir. Iba mapang onoki külem Naga nunger den ajuruteptsü maongka angur aser Naga nunger chiyungtsü tajungtem chia benjungteper” ta UK Naga Association, Co-ordinator, Temsuyanger Longkumer-i sangdong ka nung ashi.
United Kingdom nung Naga nunger sabang ka nung adenshitsü aser tongteprateptsü atema UK Naga Association-i küm shia lokti senden ayonga amunger, ta paisa shisem.
UK Naga association indang Facebook page: https://www.facebook.com/groups/UKNAMembers/ nung parnok den tongteprateptsü akok.