Ukraine nem teyari sen mn 335 agütsüsemtsü nangzüker: US

Washington, April 01 (Agencies): US sorkari Ukraine nem teyari sen dollar sen million 335 agütsüsemtsü tenangzükba olen ka White House-i metetdaktsüogo.
US Tatong Tir, Joe Biden aser Ukraine Tir, Petro Poroshenko nati Washington nung ajurutepa senden ka amenba sülen Ukraine nem teyari sen agütsüsemtsü osangji sangokja liasü.
Russia-i 2014 küm nungi tenzüka Ukraine nungi Crimea peninsula tashiyim agi agiba den külemi, Russia pusemer Ukraine sorkar anemertemi Ukraine sorkar anema nokdaktsü tenzükba ajanga Ukraine linük indang rongsenren jenjang kanga mejungi akümba den külemi, par linük nung tanüa tensa mejungi lir.
Ukraine parliament-i ochimashi inyakba bushisüngdangtsü maparen nokdangtsü merangsang, Ukraine chief prosecutor mapa nungi anentsüba sülen US-i tan  Ukraine nem maneni teyari sen agütsütsü nangzüker lir.
US-i yaküm May ita nunga Ukraine sorkar nem dollar sen billion 1 tashi agüja yariba osang bushitetogo.