Ukraine:Nisung tain aliba ki nung mi adoka nisung 17 asü

Kiev, May 29 (Agencies) : Deobarnü Ukraine yimtiba Kieve nung tantsür tambur indang care home ka nung mi adoka tajemba agi nisung 17 süogo, ta ketdangsertemi metetdaktsü.
State Service for Emergencies temi, iba mi ya anepdang 3:40 ako meta adok. Iba kidang nisung 35 liasü, ta ashiba Xinhua news agency osang ajanga metetdaktsü.
Tajemba agi lendong nung yariteper aser mi den rara parnok nisung 150 shi yoka yaritep aser parnoki kanga tia ka nisung 18 tashi kümzüktet.
Tajemba agi iba kidang alir nisung tain pongu tashi mi agi ronger mozü kidangi bener ao aser parnok rongnung nisung anabo kanga mejungi ronger lir.
Iba tatalokba bushisüngdangtsü atema Ukrain sorkari special commission ka tentettsüogo.