ULB election anogo memelenshitettsü

Kohima, Jan. 24 (TYO) : Election agitsüba sentong metetdaktsüba sülenbo iba sentongji anentsü, thitemtsü aser melenshitsü makoktsü ta Mongolbar nü State Election Commission ajanga metetdaktsüogo.
Tan Hombar nü Dimapur Naga Council kübok Joint Co-ordination Committee-i Dimapur Deputy Commissioner ajanga Chief minister nem agütsüba takangba shidi ka nung, tan Municipal aser town council election taruba February ita ka nü agitsü aliba ya thitema atatsüla ta takangba ka agütsüba onük nung telangzüba agütsüba shidi ka nung State Election Commission-i iba osang ya metetdaktsü.
Tan ULB election agitsüba sentong ya December 21, 2016 nü nungi tenzük aser iba sentongji kechisüdir süaka atemtsüla, anungji election agitsüba anogoji thitema-a meyutettsü aser temelenshia memelenshitettsü ta State Election Commissioner, Wb.Sentiyanger Imcheni metetdaktsü.