ULBs nem COVID-19 atema tetuyuba agütsür

Dimapur, March 13 (TYO): India nung Corona Virus (COVID-19) prokshitsü akok ta bilemba nung ajemdaker Urban Development Department-i Urban Local Bodies (ULBs) ajak nem tetuyuba ka agütsüogo.
Iba tetuyuba indang Action Taken Report ka March 18, 2020 tashi nung agütsütsü atema metetdaktsüogo.
UDD-i ULBS ajak nung School/Public/Departmental transport systems merüka ayutsü atema yuogo.
Parnokisa public metsümeshidak, Restaurants/Hotels/Eateries ajak merükmejua ayutsü atema shiogo.
Shishilembadak arem shiruru aser shiruru takümtem mayoktsü. ULBs-i lemzüktsüba dokan/tesem nung dang ango, an aser shi ayoktsü aser nisung alidak ak o an metsüba anentsü atema tetuyuba agütsüogo.
UDD-isa ward ajak nung jana timi anepalutsü aser mashi meindoktsü atema shiogo.
Parnokisa dokantem nung hand Sanitizers/Hand wash/Mask miima mayutsü mesüra jenjang tur mayoktsü tenokdangba agütsüogo.
Health and family welfare Department den yaritepa tashidak adoktsü ta bilemba tesemtem nung fogging aser sanitizing asütsü aser H&FW Department densa yaritepa public atema ‘help lines’ lapoktsü atema parnokisa tetuyuba agütsüogo.