ULFA aser NSCN-K lenirtem den yimjung atema jembidar: Sri Ravi Shankar

Guwahati, September 07 (Agencies): Art of Living tentetsang, Sri Ravi Shankar-i, Assam aser Northeast nung yimjung alitsü atema pai United Liberation Front of Assam (ULFA) lenir, Paresh Barua aser Naga yimtenren telok NSCN-K nungi lenirtem den jembia arudar, ta metetdaktsü.

Brihostibarnü Guwahati nung osangbenertem den jembidang pai, “Ni ULFA lenir Paresh Barua den jembia arudar, aser Assam nung küm 35 tashi raraba tensa ya süngjemtsü atema pai inyaktsü ta ni imlar,” ta metetdaktsü.

“Kodang yimjung lidir prangpong ola malitsü aser tanga tebilemtsü onüktem atema junga inyaktettsü. Prangpong liabo yimjung malitsü,” ta paisa ashi.

Ken o jembitsü anemba ULFA teloki Myanmar nung amenoker inyaker, aser Naga yimtenren telok NSCN-K densema tesem nung aliba telungpur telok kar den külemi amalitepa inyaker.

Ravi Shankar ya North East lisopurtem indang senden ‘Strength in Diversity’ nung o jembitsü atema Guwahati-i arua liasü. Iba senden ya Northeast nungi nüngtugu nisungtem aser lokti tentettemi ayongzüka liasü.

Iba senden ajanga taoba mapang telungpur telok balala nungi lenirtem densema tongtibang nisung aika sabang ka nung külemi longjemdaktsüogo.