Ulfa general secretary’er jalai UN council nung bill anema jembi

Guwahati, Chiteni/July 5 (Agencies): Northeast India nung state tem aser lokti balalai Citizenship Amendment Bill 2016 ya anema arudar. NESO nunger amala lokti tentet temi iba bill anema arudar koba Joint Parliamentary Committee-i NE semdangba mapang nung nguogo.
Telegraph osang ka ajanga ashiba agi, iba bill anemba maneni international jenjang tashi tejakleni bener oa Ulfa general secretary Golap Barua’er arishi küm 22 tain jala Bonnya Barua-i United Nations Human Rights Council senden Sangtenü Geneva nung akadang iba bill anema jembia liasü.
the Indigenous Forum, Assam pur ya UNHRC session nung adentsü asoshi jaoka aser iba lokti tenüng nung jembidang lai ashiba agi, iba bill ajanga Assam nung lisopurtem tajemba kümdaktsütsü. Iba lokti kübok state nung lisopur lokti 30 shi sendaka lir. Bonnya ya iba lokti zügsem ka lir aser tebu ya convener lir.
UNHRC 38buba senden nung jembidang Bonnya-i ashiba agi, “soarkari Assam nung aliba nüburtem temeden kümzüka ayutsüba nung tamakok nguogo, ta onoki bilemer. Parnoki tang iba bill benoktsü asoshi telemtetba agiba ajanga Assamese nunger ya Assam nung tajemba kümdaktsütsü.”
“India kümtetba mapang nung Assamese nunger bendangertem den alitsü asoshi kangshia doktsü aser tang iba bill ajanga ano Bendanger talila bendenloktsütsü meranger. Kin dak ajemdaker mezüngmeshia aliba lisopur lokti ka nem ozüng alema bendangertem arua aliba khuret kangshia bendaktsütsü merangba ya Durban Declaration principles aser Programme of Action anema lir,” ta lai ashi.
Iba bill benokba ajanga Assam nung lisopurtem tajemba kümdaktsütsü ta lokti tentet aikati anemer.
Kasa mapang nung United Nations High Commissioner for Human Rights-i external affairs minister Sushma Swaraj dangi Aami/June 11 nü NRC update asüba nung madenertem indang tia koda asütsü ta asüngdanga züluogo. Parnok ya puoka ayutsü asü meyipa yoktsü, ta asüngdang