ULFA (I) ajanga BJP züngsemtem amaktsü akok

Guwahati, January 22 (Agencies): Ashishitep aketba Citizenship (Amendment) Bill anema noktakba mapang ULFA (Independent) telungpurtemi BJP züngsemtem amaktsü akok ta Assam Police-i metetdaktsü.
Lok Sabha-i Citizenship (Amendment) Bill agizükba sülen security ketdangsertemi iba tebilemtsü abener, ta Director General of Police, in-charge of Special Branch, Pallab Bhattacharyya-i ashi.
“Tensa raksatsü ana nung lir. Iba ama mapang ka nung ULFA (I)-i Hindi jembirtem, Bengali Hindu nunger aser BJP züngsemtem amaktsü akok” ta pai ashi.
Yaküm November ita Bengali oshi jembir Hindu nunger pungu Tinsukia nung khaset. Parnok ya aluyimertem dang liasü aser police-i ULFA (I) ajanga iba mapa inyak ta temulung melemi bilemer.