ULFA (I) den yariteper nisung 4 apu; Tesayur & kaketshir dena lir

Dibrugarh, August 7 (Agencies): ULFA (I) telungpurtem den tesentaktep aliba atema school tesayur ka, hospital nung staff ka aser nisung ana tesem balala nungi puogo.
Upper Assam kübok tesem balala nung Dibrugarh police-i ULFA (I) den yaritepertemji apu, ta police ketdangsertemi metetdaktsü.
Par pezüji Chayanika Kaman, Kabita Kaman, Kanak Pegu aser Debajyoti Dowarah nungertem lir.
Chayanika ya Golaghat nungi school tesayur ka aser Kabita ya Dibrugarh nungi college azünger ka lir.
Kanak ya Dibrugarh nung nija hospital ka nung ICU technician inyaker aser Debajyoti ya Naharkatia nungi lanur ka lir.
Parnok ket nungi ULFA (I) flag ka aser mobile handset 7 puogo, ta police-i ashi.
Independence Day matongdang ULFA (I)-i Assam nung ozüng alema mapa kar inyaktsü tasa atonga lir, ta police-ia metetdaktsü.
“Onoki Upper Assam nung ULFA (I) den yariteper kar puogo. Par pezüji ULFA (I) atema inyakertem liasü” ta Dibrugarh ASP Dhruva Bora-i ashi.
Osang ka ajanga ashiba Upper Assam nung ULFA (I) den yariteper kari kanga meranga mapa inyaker aser ULFA (I) atema sen sarur.