ULFA-i Tinsukia nung par züngsemtem temai adokba lutsür

Guwahati, Aami (June) 22 (Agencies): Tinsukia district nung ULFA züngsem 6 temai adok ta asübaji police-i tasa atonga inyakba lir ta Hokolbarnü ULFA-i metetdaktsü.
“Taoba ita ishika police-i item züngsemtem nem tetuyuba agüja anishia aru aser parnoki ULFA tenüng menüktsütsü atema Tinsukia district nung aser Arunachal Pradesh Namsai, Lohit, Dibang o Changlang nung tashiyim agi sen saru” ta ULFA-i sangdong ka nung metetdaktsü.
“Parnok temai adokba ajanga onok telok kecha makoksatsü saka iba ya ajanga onok indang kuli tajungba agütsür” ta parnokisa ashi.
Osangbener senden nung DGP dena adenbaji tanga mapang meinyakba mapa ka liasü. Iba ajanga ULFA tashitaitba akümba aser takok ngua inyakba atema Assam Police shisabulur ta asüba sayur, ta ULFA-isa shisem.
“Tang ozü züngsem pungu police-i anishidar aser nübortem tezütangdaktsütsü atema kobi melii parnoka media dangi anir arutsü” ta parnokisa metetdaktsü.